أنتَ ندمان؟
مش متذكر والله ، بس لو ندمان مش رح أحكيلك
-ليش ؟
ما بتحمّل مشاعر الشفقة مِن أي حدا للأسف !
بس أنتَ عارف منيح إنه بِعمري ما رح أشفق عليك إنت بالذات ، وبالشكل اللّي انت متخيله ، احنا واحد.. ولا نسيت !
لا إحنا مش واحد رح نكون واحد لو كنا بس أنصاص
و أنا مش نُص ..صح!
انت شايف حالك ، وواعي كيف بتبعّد الكُل عنك؟
عارف وشايف
طيب والحلّ؟
مافي حلول ، انا راضي بالعُزلة الّلي مختارها لحالي وقابل كل القُبول بِسكوني اللّي انا فيه غرقان وتايه.
بس الإنسان اصلا اجتماعي بطبعه صح !
الإنسان سيء بطبعه ، خاين وأهبل و كذّاب بطبعه ، إنما اجتماعي هاي أول مرّة بسمع فيها !
انت حُر عفكرة.
هاي حقيقة ، و لإني حُر فـَ انا مش مِحتاج حدا جمبي
ولا بدي أياك انت اصلاً واذا حدا بستاهل الشفقة عليه هو انت لأنه ما رح اعطيك حقك بأي شي زي البني ادم الطبيعي.
عنجد ؟
اه عنجد ، انت مو متحملنّي وبفتحك لموضوع النَدم انت حسستني بالنَقص مليش أصحاب ومُش مِحتاج غير التقبُّل.
1 تعليقات
🤍🤍
ردحذف