انتحار، بقلم : سجى سلمان

 انتحار

بعد ما خلصنا أكل، قمت أغسل الصحون، وأنا عم بجلي شفت شب واقف ورا  الشباك، متت من الخوف  حكيت بصوت مرعوب: مين انت؟ ما كان في جواب بس سمعت صوت ضحكته، أكيد أنا بتخيل مستحيل حقيقة، في الليل  قررت أطلع على حديقة البيت أشوف مين هاد الشب.

فتت على المخزن، بعد ما سكرت الباب سمعت صوت واحد بحكي: والله بموتك إذا بتخالفي اوامري، استجمعت  قوتي وحكيتله: أيش بدك مني 

بدي تحكي لأبوكي انو أمك خانته 

مستحيل امي ما بتعمل هيك، ما رح أحكي لأبوي

طيب معناها الجثة يلي وراكي انتي يلي قتلتيها

هههههه أي جثة؟

 جثة ابن عمك المفقود من شهرين.

أنا هون من الصدمة وقعت على الأرض

فتحت عيوني كانت ماما جنبي وبتعيط 

شو يلي صارلك يا حبيبتي احكيلي

كنت بدي أحكي بس فجأة سمعت صوته بقول رح تموتي إذا حكيتي

مالك يما وين صفنتي؟

فش إشي يما أنا منيحة بس دخت اشوي.

طبعا لأنك ما أكلتي من الصبح، شوفي حالك كيف صايرة جلدة على عظمة.

طيب يما بوكل بعدين.

اااخ راسي بده ينفجر، كيف بدي أحكي لأبوي عن امي، المشكلة انو ابوي عصبي و متسرع خايف يعمل اشي لامي .

بعد ما فكرت كتير للأسف ما لقيت أي حل، اخترعت قصة من عندي و رحت لأبوي  قعدت معه 

كيفك  يابا؟

 الله يرضى عليكي، الحمدلله 

 مش عارفه كيف بدي أحكيلك بس امي امبارح لما طلعت، لحقتها أشوف وين بدها تروح، وصلت على باب عماره وفاتت على شقة، قربت على الباب لحتى أسمع الصوت وفعلا كان صوت شب وكانوا عم يضحكوا

والله لاذبحها اذا صحيح 

ابوي قام شد امي من شعرها و بلش يضرب فيها ، حاولت امنعه ما قدرت، أجى أخوي و بعد ابوي عن امي 

ماما  ماما قومي مالك 

أحمد تعال شوف ماما مش راضية تتحرك

أخذنا امي على المستشفى، بعد ساعات من دخولها العنايه المكثفة، طلع الدكتور وحكى مع اخوي ، طبعا ابوي كان واقف على جنب ومش مستوعب يلي عمله 

طمني يا دكتور شو وضع امي؟

الله يرحمها، العمر الك 

لاء ماما بدي ماما يا ربي شو عملت أنا، أجت الشرطة و أخذوا ابوي ودخل السجن.

بعد فترة نزلت على المخزن و حكيت لاخوي تعال معي شوف الشب يلي حكيتلك عنه، فتحت الباب ما كان فيه جثة ولا حتى صوت.

مستحيل والله يا أحمد انو كان هون الشب والجثة كانت مرمية على الأرض.

خلص انتي صرتي مجنونه، مالك فش اشي هان 

بعدها بيومين رحت كمان مرة عشان أثبت لأحمد إني مش مجنونه، فتحت الباب سمعت صوت الشب 

 يا مجنونه هسا لازم تتصلي على الشرطة وتحكيلهم انو اخوكي قتل ابن عمك والجثة في المخزن.

ماشي 

جاوبت حتى بدون اي نقاش، اخوي  انحبس بتهمة القتل.

بعد كل يلي صار نزلت على المخزن وكانت المرة الأخيرة يا أنا بموت يا  الشب المجهول.

 أنا الجن يلي كنت جواتك وبالنسبة للجثة ابن عمك مرة دخل هون  وما طلع وانتي ما رح تطلعي من هون.

عاجل : العثور على جثة فتاة في منزلها 

بعد التحقيقات تبين بأن الفتاة قامت بطعن نفسها في مخزن المنزل

سجى سلمان