سجل أنا فلسطيني
من تراب القدس ببعث رسالتي
ممزوجة بحبي ولوعتي وأهاتي
أنا فلسطيني من محياي لمماتي
أنا الي استشهدت ونزحت ونسجنت وراحت كل ذكرياتي
من غزة لرفح وكل مدن الشتاتِ
رح أكتب هالكلمات وأنا عم أحبس دمعاتي
___________________________
سجل أنا فلسطيني ...
سجل أنا فلسطيني بخرج كل يوم من بيتي ..
بودع أهلي
زوجتي وابني
كيف لا ومثلي مثل أي فلسطيني
بخرج ما بعرف إذا كنت رح ارجع لبيتي شهيد ...
أو رح اكون سجين منفي ونازل
ولا ممكن مجرد خبر
بشريط الأخبار ......
سجل أنا فلسطيني......
كل كم كيلو فيه حاجز ، دورية جيش ، وشيك على الجدار
أرض لأجدادنا أخذوها بالقوة والسمسرة
صارت بإيد بني صهيون
بس هالشي ما بخوفنا إحنا شعب الجبارين
___________________________
سجل أنا فلسطيني
الأقصى عم يناديني
كعكي برد وتشتت مياديني
أبوابي عم تصرخ وينك صلاح الديني
أنا تعبت وطالت في سنيني
فما حان الوقت يا فلسطيني
تكون أقصانا حرة من الملاعينِ
_________________________
سجل أنا فلسطيني
ولا أحكيلك لا تسجل
شو بدك تسجل ؟
اثنين وسبعين سنة ظلم وقهر
تشردوا الملايين واستشهدوا الٱلاف
زنازين بتصرخ جواتي أسرى بسنين عجاف
وختيار واقف قدام جيش وبقول ما بخاف
ارمي يا ابني هالحجر ولحقها بالمنتوف
____________________________
لا تسجل مخيمات بالملايين
نازحين بالبرد عايشين
عطشانين جوعانين
والفرج منتظرين
____________________________
شو بدك تسجل؟
غزة بتصرخ وين العرب وين..
ويافا برتقالها حزين ...
يافا شواطئها ورمالها مستمرين
بتروي قصة شعب الجبارين
من الشمال للجنوب متحدين
من الشرق للغرب صابرين
النصر بإيدنا يا مسلمين
أنا فلسطيني وارواحنا بإيدينا حاملين
0 تعليقات